Kryetari i Kuvendit të Kosovës, Glauk Konjufca për takimin e mbrëmshëm në Bruksel tha se gjithçka ishte e pritur nga vendimet e Qeverive të kaluara.

“Ajo që u prezantuar atje ishte e tmerrshme nga komisioni, atje ishte njëra që më pas ishte bërë deputete nga Vuçiqi. Çdo zgjidhje që i jepet jashtë kornizave të Kushtetutës dhe ligjeve të Kosovës. Ajo që e bëri qeveria ishte e drejtë, sepse ata mbronin interesat e Serbisë”, tha Konjucfa.

Tutje ai tha se Vuçiqi asnjëherë nuk është penduar, dhe se marrëveshja është larg duke e parë qasjen që e ka Vuçiqi.

“Si është e mundur se si një deputete e Parlamentit të Serbisë, të shkruaj diçka për Kosovën, shumë mirë ka vepruar Qeveria e Kosovës. Personat që janë caktuar prej Vuçiqit dhe Rakiçit nuk kishin çka të shkruajnë diçka tjetër që cënon sovranitetin dhe unitetit lateral që ka Kosova.Vuçiqi asnjëherë nuk ka kërkuar pendesë. Kur i dëgjon Daçiqin dhe të tjerët e sheh që asnjë vendim të Millosheviçit nuk do ta ndryshonin. Larg është një marrëveshje duke e parë një çasje të tillë që e ka Vuçiqi”, u shpreh ai.

Konjufca tha se nuk ka hapësirë për më shumë përveç një OJQ, për këtë nuk e pranon Vuçiqi.

“Punë e madhe që nuk e pranon Vuçiqi, nuk ka hapësirë për kompetenca ekzekutive”, tha Konjufca./Arbresh.info/